News

重要消息！ 香港代理通知，六月份McFarlance貨品因為運貨船期延誤(US delay shipment)，將會延期至七月中/尾。 已訂貨客人敬請留意！ 如有任何查詢歡迎WhatsApp或inbox我哋

近來，Mezco原創人物嘅受歡迎程度拍得上Marvel/DC兩大漫畫巨頭，出親都係exclusive。佢嘅Gomez曱甴系列就係表表者啦。今次Mezco Con限定嘅版本有tee有貼紙仲大大盒，價錢連運費係偏高，但係感覺上以量取勝，抵唔抵玩就見仁見智啦！ Mezco CON Booth-In-A-Box Summer Edition

剛剛好，我哋於亂世中開業，動盪間渡過，暴政下生活。多謝咁多位玩具人支持，令到我哋未去放棄自己嘅興趣同理想。 雖然，開業後發現好多嘢都未如理想，令到自己多少有點心灰意冷。不過，當見到新產品推出時，嗰種想第一時間擁有嘅感覺使到我哋工作到幾夜都好，都願意用食少餐飯嘅時間，將貨品交收到大家手上。   賣玩具賺錢得一個幾毫唔係咩秘密，如果靠佢揾食，學子華神話”食得屎架啦”。資金缺乏之下，有幾次想放棄，但係喺咁負面嘅社會下，玩具往往係你同我嘅避難所。 嚟緊我哋會盡力走落去，如果有留意我哋都會發現，TOYKO HOT慢慢由約交收轉變到去郵寄為主。有時賺少幾十，方便到你哋同我哋，無所謂喇！ 希望有日你會見到一間鋪叫TOYKO HOT嘅喺街，佢應該仲係賣玩具而唔係賣碟，喜歡可以入嚟同我哋打聲招呼。更希望有日我哋可以一齊喺煲底唔止除罩，仲可以一齊傾玩具、玩玩具，甚至交收玩具。 光復香港，時代革命

有人問到點解超人著到成個拉打咁嘅呢？嗱！以下資料就係我喺網上揾返嚟嘅，詳情就緊係睇返個漫畫啦！ 超人解放戰甲（SUPERMAN UNCHAINED ARMOR）喺《超人：解放》中，超人俾一個喺幾十年前就墜落咗喺地球上而且仲俾政府隱藏咗起嚟嘅外星生物打到死下死下。 而喺呢一個時刻，超人得到咗一種叫做地球之石嘅神物，仲將佢帶咗入孤獨堡壘 (Fortress of Solitude) 孤獨堡壘就用咗佢為超人製造咗一套超級強大嘅裝甲，同時仲有一把能量錘同一個能量盾添。(CAPTAIN！？)